ಶ್ರೀಃ ಮಹಾದೇವವಿೂಡೇ

ಶ್ರೀಃ ಮಹಾದೇವವಿೂಡೇ

ಪುರಾರಾತಿಸೂನುಂ ಪುರಾಣಂ ಪವಿತ್ರಂ
ಪರಂ ಪ್ರೇಯಸಾಂ ಸನ್ನಿಧಾನಂ ಪ್ರಧಾನಂ ||
ಪ್ರಿಯಂ ಪಂಡಿತಾನಾಮಥೋ ಪಾವರಾಣಾಂ
ಪ್ರಶಸ್ಯಂ ಗಜಾಸ್ಯಂ ಪ್ರಭುಂ ಪ್ರಾತರೀಡೇ || 1 ||

ಮುನೀನಾಂ ಮನೋಮಂದಿರಸ್ಥಂ ಮಹೇಶಂ
ಮಹಾಮೋಹಮಂಥಾನಮಂತಃ ಸಥಮಾದ್ಯಂ |
ಗಜೇಂದ್ರಾಜಿನಂ ಪಾವನಂ ಸಂವಸಾನಂ
ಉಪರ್ಯಂ ಗಣೇಶಂ ಮಹಾದೇವವಿೂಡೇ || 2 ||

ಮನೋವಾಗ್ವಿದೂರಂ ಮುರಾರೇರುಪಾಸ್ಯಂ
ಮನೋಜಪ್ರಮಾಥಂ ಮಹೇಂದ್ರೋಪರೋಧಂ |
ಮನೋಷಿಪ್ರಮಾಣಾತಿಯಾತಂ ಮಹೀನೈಃ
ನಮಸ್ಯೋಪಚಾರೈಃ ಸಮಾರಾಧಯಮಾನಂ || 3 ||

ಮುಖೇಷು ಪ್ರಸನ್ನಂ ಮುಖೋತ್ಥೈಃ ಸುಮಂತ್ರೈಃ
ಸುಖಶ್ರೇಯಸೋರಾಕರಂ ಕೀರ್ತನೀಯಂ |
ಮಖಧ್ವಂಸಕಂ ನಾಕಿವೃಂದೈಕಸೇವ್ಯಂ
ಪ್ರಕೃಷ್ಟಾಟ್ಟಹಾಸಂ ಗರಿಷ್ಠಂ ಗುರೂಣಾಂ || 4 ||

ಪ್ರದೋsಷೇಪ್ಯದೋಷಂ ಹ್ಯಸಂಖ್ಯೇಯದೋಷಂ
ವಿಧಿಶ್ರೀಪತಿಪ್ರೀತಿಸೇವಾತ್ತತೋಷಂ |
ಸುನಾಟ್ಯಪ್ರಯೋಗೇ ಮಹಾಗಾಯನಾಗ್ರ್ಯೈಃ
ಸತೂರ್ತಾನುಯಾತಂ ತ್ರಿಣೇತ್ರಂ ವಿಜೈತ್ರಂ || 5 ||

ಸ್ವವಾಮೇ ಸವಾಮಂ ಗವೇಂದ್ರಾಧಿರೂಢಂ
ಗಿರೀಶಂ ಗುಹಾವಾಸಿನಂ ನೀಲಕಂಠಂ |
ಮೃಗವ್ಯಾಧಮೃತ್ಯುಂಜಯಂ ಶೂಲಪಾಣಿಂ
ಗುಣಾಢ್ಯಂ ಗುಣಾತೀತಮಾತ್ಮಾನುಭಾವಂ || 6 ||

ವಿಷಾದಂ ವಿಷಾದಚ್ಛಿದಂ ಭೇದಶ್ಯೂನಂ
ದ್ವಿತೀಯಾಶ್ರೀತಾರ್ಧಾಂಗಮೋಂಕಾರಗಮ್ಯಂ |
ವಿಷಾದಾಧಿಪಂ ಸುಂದರೇಶಂ ನಿರಾಶಂ
ಸದಾಶೀವಿಪಾಲಂಕೃತಂ ವ್ಯೋಮಕೇಶಂ || 7 ||

ಸರುದ್ರಾನುವಾಕಾಭಿಷೇಕಾನುರಕ್ತೈಃ
ಬುಧೈರರ್ಚಿತಂ ಷೋಡಶಾರ್ಚಾಪ್ರಸಕ್ತೈಃ |
ಉದನ್ವತ್ತಟೇ ರಾಮಚಂದ್ರೇಷ ್ಟಲಿಂಗಂ
ವಿರಾಮಂ ಶುಚೋ ಭಾರ್ಗವಧ್ಯಾನಸಂಗಂ || 8 ||

ಉದಕ್‍ಶಾಬರಕ್ಷೇತ್ರಮಷ್ಟಾದಶಾಂಗ್ಯಾ
ಪ್ರಪದ್ಯೇಹ ಪುತ್ರೈಶ್ಚ ಸೋಪಾನಭಂಗ್ಯಾ |
ಕಲತ್ರೇಣ ಭಕ್ತಾನವಂತಂ ಮಹಾಂತಂ
ಪ್ರಶಾಂತಂ ಶಿವಂ ಶಾಶ್ವತಂ ಚಾಶುತೋಷಂ || 9 ||

ತ್ವದನ್ಯಂ ನ-ಮನ್ಯೇ ವದಾನ್ಯಂ ಸುಮಾನ್ಯಂ
ತ್ವದನ್ಯಾ ಗತಿರ್ಮೇ ಸಪಾಪಸ್ಯ ಶೂನ್ಯಾ |
ಕ್ರಿಯಾ ಮಾಂ ತದಾರ್ತಂ ಮಹಾದೇವ ಧನ್ಯಂ
ನಿವೇಶ್ಯಾತ್ಮಪಾದಾಬ್ಚಕೋಶೇ ಶರಣ್ಯೇ || 10 ||

ನಮಸ್ತೇ ನಮಸ್ತೇ ಮಹಾದೇವ ಶಂಭೋ
ಕಪರ್ದಿನ್ ದಯಾಸಾಂದ್ರ ಸಚ್ಚಂದ್ರಮೌಳೇ |
ಪ್ರಸೀದ ಪ್ರಭೋ ನಃ ಕ್ಷಮಸ್ವಾಪರಾಧಾನ್
ಸುತಾನಾಂ ಪಿತಾ ದುರ್ಮತೀನಾಂ ಮಹಾತ್ಮನ್ || 11 ||

ಪ್ರೊ.ಯಂ. ರಾಧಕೃಷ್ಣ ಭಟ್