ಪಾರ್ವತೀಶ್ವರ ಸುಪ್ರಭಾತಂ

ಉಬರಂಗಳ ಶ್ರೀ ಪಾರ್ವತೀಶ್ವರ ಸುಪ್ರಭಾತಂ

ಉತ್ತಿಷ್ಠೋತ್ತಿಷ್ಠ ವಿಶ್ವೇಶ ಉತ್ತಿಷ್ಠ ವೃಷಭಧ್ವಜ
ಉತ್ತಿಷ್ಠ ಪಾರ್ವತೀಕಾಂತ ಭುವನಂ ಮಂಗಲಂ ಕುರು || 1 ||

ಹೇ ವಿಶ್ವನಾಥ ನಿಖಿಲಾಗಮವೇದ್ಯ ಶಂಭೋ
ಕಾರುಣ್ಯಪೂರ್ಣ ಮುನಿಮಾನಸರಾಜಹಂಸ |
ಸಂಪೂರ್ಣಕಾಮ ಸುರಸೇವಿತಪಾದಪದ್ಮ
ಶ್ರೀ ಪಾರ್ವತೀಶ್ವರ ವಿಭೋ ತವ ಸುಪ್ರಭಾತಂ || 2 ||

ಶ್ರೀ ಭೂತನಾಥ ಗಣನಾಥ ಷಡಾನನಾದಿ
ಸಾನ್ನಿಧ್ಯಪೂರ್ಣ ನಟರಾಜ ಕಿರಾತಮೂರ್ತೇ |
ಸಂಸಾರತಾಪದಹನಪ್ರಮಥಾಧಿನಾಥ
ಶ್ರೀ ಪಾರ್ವತೀಶ್ವರ ವಿಭೋ ತವ ಸುಪ್ರಭಾತಂ || 3 ||

ವಿಪ್ರಾಃಸ್ತುವಂತಿ ಸತತಂ ವರಮಂತ್ರವರ್ಣೈಃ
ಗಾಯಂತಿ ಗಾಯಕವರಾಸ್ತವ ದೇವ ರೂಪಂ |
ವೀಣಾದಿನಾಟ್ಯಸುನಿನಾದಸುಹೃಷ್ಟಚಿತ್ತ
ಶ್ರೀ ಪಾರ್ವತೀಶ್ವರ ವಿಭೋ ತವ ಸುಪ್ರಭಾತಂ || 4 ||

ಗಂಗಾದಿತೀರ್ಥಪರಿಪೂರಿತಹೇಮಕುಂಭೈಃ
ತ್ವಾಂ ಸ್ನಾಪಯಂತಿ ಜಗದೀಶ್ವರ ವಿಪ್ರವರ್ಯಾಃ |
ಪ್ರಾತಃ ಪ್ರಬೋಧಮುಪಯಾಹಿ ಶಿವಾಸನಾಥ
ಶ್ರೀ ಪಾರ್ವತೀಶ್ವರ ವಿಭೋ ತವ ಸುಪ್ರಭಾತಂ || 5 ||

ಶುದ್ಧಾಯ ನಿರವದ್ಯಾಯ ಸತ್ಯಾನಂದಸ್ವರೂಪಿಣೇ
ಉಬರಂಗಳವಾಸಾಯ ಗೌರೀಶಾಯಾಸ್ತು ಮಂಗಲಂ || 6 ||

- ರಚಾಯಿತಾ : ಬಳ್ಳಪದವು ಶ್ರೀ ಮಾಧವ ಉಪಾಧ್ಯಾಯ